Հայաստանի թաքնված թանգարանները

Հայաստանով մեկ սփռված թանգարաններ, որոնց այցելությունը պարտադիր է:
Ուրբանիստա
խմբագրական
Հայաստանի տարբեր բնակավայրերում գոյություն ունեն մի քանի տասնյակ թանգարաններ և պատկերասրահներ, որտեղ պահվում են համաշխարհային նշանակության արվեստի գործեր: Սակայն հաճախ անգամ տեղաբնակները և հատկապես զբոսաշրջիկները տեղյակ չեն լինում դրանց մասին:

Մեր նոր նյութում ներկայացնում ենք դրանց փոքր մասը, սակայն այս ցուցակը ժամանակի ընթացքում կհամալրվի նոր բացահայտումներով:



1
Մարտունու պատկերասրահ
Հասցեն՝ Հասցե` Շահումյանի 6, ք. Մարտունի, Գեղարքունիքի մարզ
http://bit.ly/2VCL0O6
Մարտունի քաղաքի պատկերասրահը
Մարտունի քաղաքի պատկերասրահը
Մարտունի քաղաքի պատկերասրահը
Մարտունի քաղաքի պատկերասրահը
Մարտունի քաղաքի պատկերասրահը
Left
Right
Անցած տարի Մարտունի համայնքի մասին նյութ պատրաստելիս հայտնաբերեցին, որ Մարտունու պատկերասրահի երկու հարկերում ներկայացված է սոցռեալիզմի հարուստ ընտրանի՝ «Ձևով` ազգային, բովանդակությամբ` սոցիալիստական» կարգախոսի ներքո: 1978 թ. Մշակույթի նախարարության Նկարչական շրջիկ արվեստանոցից հատկացված ստեղծագործությունների հիման վրա ստեղծված պատկերասրահում առկա է գեղանկար, քանդակ, գրաֆիկա ընդգրկող հավաքածու: Շուրջ 200 թանգարանային նմուշները ստեղծվել են 1960-1980-ական թթ.:

Տոմսի արժեքը մեծերի համար՝ 200դրամ, դպրոցականների՝ 100, էքսկուրսավարի ծառայություն՝ 1500դրամ:

2
Հրազդանի պատկերասրահ
Հասցեն՝ Հասցե` Սպանդարյանի 2, ք. Հրազդան, Կոտայքի մարզ
http://bit.ly/2VsJoSr
Հրազդան քաղաքի պատկերասրահ
Հրազդան քաղաքի պատկերասրահ
Հրազդան քաղաքի պատկերասրահ
Left
Right
Հայաստանի ժամանակին խոշորագույն արդյուբաներական քաղաք Հրազդանի պատկերասրահը հիմնադրվել է 1981 թ., սակայն 2010 թվականի դեկտեմբերի 18-ին պատկերասրահը վերաբացվել է նոր ցուցադրությամբ, ուր ներկայացված են 60-ականներից մինչև մեր օրերը ստեղծագործող հայ նկարիչների մոտ 53 աշխատանք:

3
Ջերմուկի պատկերասրահ
Հասցեն՝ Չարենցի 1, ք. Ջերմուկ,
Վայոց Ձորի մարզ
http://bit.ly/2W8JrHu
Ջերմուկ քաղաքի պատկերասրահը
Left
Right
Այսօր շատերը խոսում են Ջերմուկ քաղաքի առողջարանային և հանքաարդյունաբերական ոլորտների բախման վորաբերյալ: Սակայն քչերը գիտեն, որ Հայաստանի Ազգային պատկերասրահի Ջերմուկի մասնաճյուղը հիմնադրվել է 1972թ-ին: Այստեղ կարելի է տեսնել 1920-1990 թթ. ստեղծած շուրջ 100 գեղանկար և քանդակ: Այստեղ ներկայացված են գեղանկարիչներ Մ. Սարյանի, Վ.Գայֆեճյանի, Հ. Կալենցի, Հ. Հակոբյանի, Մ. Պետրոսյանի և այլոց ժանրային ու թեմատիկ բազմազանությամբ առանձնացող աշխատանքներ:

Տոմսի արժեքը մեծերի համար՝ 200դրամ, էքսկուրսավարի ծառայություն՝ 1500դրամ:

4
Մինաս Ավետիսյանի թանգարան
Հասցեն՝ գյուղ Ջաջուռ, Շիրակի մարզ
http://bit.ly/2E8o6DE
Մինաս Ավետիսյանի թանգարան
Լուսանկարները՝ Մինաս Ավետիսյանի թանգարան
Left
Right
Գյումրի քաղաքից 14կմ հեռավորության վրա գտնվող Մինաս Ավետիսյանի թանգարանը հիմնադրվել է 1982թվականին՝ նկարչի ծննդավայր Ջաջուռ գյուղում: 1988 թ.երկրաշարժից ավերված շենքը վերականգնումից հետո վերաբացվել է 2003 թ.: Այսօր թանգարանում ցուցադրվում են նկարչի և նրա ժամանակակիցների աշխատանքները:

Տոմսի արժեքը՝ 200 դրամ, էքսկուրսավարի ծառայություն՝ 1500 դրամ:

5
Դիլիջանի երկրագիտական թանգարան-պատկերասրահ
Հասցեն՝ Մյասնիկյան փող., 28 շենք,
ք. Դիլիջան
http://bit.ly/2JES71B
Դիլիջանի երկրագիտական թանգարան-պատկերասրահը
Stanley Park, Vancouver
Դիլիջանի երկրագիտական թանգարան-պատկերասրահը
Left
Right
2010 թ-ից Դիլիջանի նորակառույց թանգարանում պահվում և ցուցադրվում են 1000-ից ավելի հնագիտական և ազգագրական իրեր, կիրառական արվեստի գործեր, գրաֆիկական աշխատանքներ, գեղանկարներ, քանդակներ, հնատիպ գրականություն։

Տոմսի արժեքը՝ 500 դրամ, էքսկուրսավարի ծառայություն՝ 1500 դրամ:

6
Ժողովրդական արվեստի թանգարան
Դիլիջան
Հասցեն՝ 1 Գետափնյա, Դիլիջան
http://bit.ly/2JI46vf
Հովհաննես Շարամբեյանի հիմնած Ժողովրդական արվեստի թանգարանի շենքը
Լուսանկարը՝ Նարեկ Աշուղաթոյանի ընտանեկան արխիվից
Բանահավաք և գեղանկարիչ Հովհաննես Շարամբեյանը 1979 թ-ին իրեն հատկացված տունը նվիրեց պետությանը՝ անձնական հավաքածուի հիման վրա ժողովրդական արվեստի թանգարան ստեղծելու նպատակով:

Այսօր Հայաստանի ժողովրդական արվեստի պետական թանգարանի Դիլիջանի մասնաճյուղում առկա 847 ցուցանմուշից ներկայացված է 547-ը:


7
Վալեր Նազարեթյանի Մինի Թանգարան
Գյումրի
Հասցեն՝ Անկախության հրապարակ 9ա,
3-րդ հարկ, 302 սենյակ, Գյումրի
http://bit.ly/2HiD3oP
Լուսանկարները՝ Վալեր Նազարեթյանի Մինի թանգարանի ֆեյսբուքյան էջից
Այստեղ ներկայացված են Վալեր Նազարեթյանի` թղթից ստեղծած յուրատեսակ նմուշներ՝ նվագարկչից և դուդուկից մինչև դաշնամուր:

Տոմսը` 500դրամ, ուսանողական և դպրոցական խմբերի համար՝ 300դրամ: